ಶಾಂತಮೂರ್ತಿ ಬುದ್ಧನ ವಿಗ್ರಹ

ಹೈದರಾಬಾದಿನ "ಹುಸೈನ್ ಸಾಗರ್" ಎಂಬ ಕೆರೆಯಲ್ಲಿ ಬುದ್ಧನ ಪ್ರತಿಮೆ ಇದೆ. ಈ ವಿಗ್ರಹ ೧೬ ಮೀಟರ್ ಎತ್ತರ ಹಾಗು ೩೫೦ ಟನ್ ತೂಕವಿದೆ. ಈ ವಿಗ್ರಹವನ್ನು ಶ್ವೇತ ಗ್ರಾನೈಟ್ ಕಲ್ಲಿನಿಂದ ಕೆತ್ತಿದ್ದಾರೆ.
ಈ ವಿಗ್ರಹವನ್ನು ೧೯೮೮ರಲ್ಲಿ ಹೈದರಾಬಾದಿಗೆ ತರಲಾಯಿತು. ಅದನ್ನು ಕೆರೆಯ ಮಧ್ಯೆ ಸಾಗಿಸುವಾಗ ಕೆರೆಯಲ್ಲಿ ಮುಳುಗಿತು. ಬಹಳ ಪ್ರಯತ್ನಗಳ ನಂತರ ೧೯೯೨ರಲ್ಲಿ ಈ ವಿಗ್ರಹವನ್ನು ಸ್ಥಾಪಿಸಲಾಯಿತು.

ಹೈದರಾಬಾದ್ನಲ್ಲಿ ದೊಡ್ಡ ಗಣೇಶ

ಹೈದರಾಬಾದ್-ನ ಖೈರತಾಬಾದ್ ಎಂಬ ಜಾಗದಲ್ಲಿ ಪ್ರತಿ ವರುಷ ಗಣೇಶ ಹಬ್ಬದ ಪ್ರಯುಕ್ತ ಗಣೇಶ ಪ್ರತಿಮೆ ಕೂಡಿಸುತ್ತಾರೆ. ಇದರ ವಿಷೇಶವೆಂದರೆ, ಈ ಪ್ರತಿಮೆ ಹೈದರಾಬಾದ್ನಲ್ಲೆ ಅತಿ ದೊಡ್ಡ ಪ್ರತಿಮೆ! ಈ ಪ್ರತಿಮೆಯನ್ನು ನೋಡಲು ಬಹಳ ಜನ ಬರುತ್ತಾರೆ. ಈ ವರುಷ, ಈ ಗಣೇಶನ ಎತ್ತರ ಸುಮಾರು ೪೫ ಅಡಿ! ಇನ್ನೊಂದು ವಿಷೇಶವೆಂದರೆ, ಈ ಪ್ರತಿಮೆಯನ್ನು ಪ್ರಾಕೃತಿಕ ಬಣ್ಣಗಳಿಂದ ಮಾಡಿದ್ದಾರೆ. ಈ ಗಣೇಶನನ್ನು ನನ್ನ ಕ್ಯಾಮರದಲ್ಲಿ ಸೆರೆ ಹಿಡಿದ ಚಿತ್ರ ನೋಡಿ. ಗಣೇಶನ ಕೈಯ ಮೇಲೆ ನಿಂತಿರುವ ವ್ಯಕ್ತಿಗಳನ್ನು ಗಮನಿಸಿ. ಈ ಪ್ರತಿಮೆಯ ಎತ್ತರ ಎಷ್ಟಿದೆ ಎಂದು ನೀವು ಊಹಿಸಬಹುದು.